იყიდება ბინა თბილისში

თბილისში უძრავი ქონების ფონდი კვლავ მოძველებულია.ბოლო წლების სწრაფი განვითარების მიუხედავად, თბილისის უძრავი ქონების ბაზარზე კვლავ ძველი შენობები ჭარბობს. ამასთან, სექტორის ძლიერი ზრდის პოტენციალზე მიანიშნებს ის ფაქტი, რომ თბილისში თანამედროვე სტანდარტებით უძრავი ქონების მხოლოდ 25%-მდეა აშენებული. თუმცა უძრავი ქონება ისევ რჩება ერთ-ერთ ყველაზე მომგებიან აქტივად.

ფასები მზარდია ცენტრალურ უბნებში და მეტნაკლებად სტაბილურია გარეუბნებში. თბილისში ბინის ყიდვის ფასები ადგილმდებარეობის გარდა დამოკიდებულია უშუალოდ შენობა-ნაგებობის მდგომარეობაზე. აღსაშნინავია, ის ფაქტი, რომ თბილისში ბინების მხოლოდ 22% არის აშენებული 1991 წლის შემდეგ. შენობის მდგომარეობის გარდა, ფასის სხვაობას განაპირობებს ბინის მდგომარეობა.შავ კარკასსა და დასრულებულ ბინას შორის ფასში სხვაობა დაახლოებით $350-ია.

ბინის ყიდვას წელიწადში დაახლოებით 7 000 – 9 000 ოჯახი საჭიროებს, შესაბამისად თბილისში, დაახლოებით სწორედ ამ რაოდენობით იყიდება ბინები. თბილისში ქირით მოსახლეობის დაახლოებით 8% ცხოვრობს, შესაბამისად მაღალია მოთხოვნა ბინის ყიდვაზე. ბინის ყიდვის ძირითადი მიზეზია ოჯახების გაფართოება ან განცალკევება, წყვილის ან ინდივიდის დამოუკიდებლად ცხოვრების სურვილი.მნიშნელოვანია, რომ საინვესტიციოდ ბინების ყიდვა ძალიან მომგებიანი გადაწყვეტილებაა.