ბათუმის უძრავი ქონების ბაზარი ძირითადად ორ მიმართულებად იყოფა. ერთი მხრივ ქალაქი, განსაკუთრებით კი ე.წ. ძველი ბათუმი სავსეა ძველებური სტილის, რამდენიმესართულიანი სახლებით, რომლებსაც საერთო მყუდრო ეზო აერთიანებთ. მეორე მხრივ, საქართველოში ტურისტული სექტორის განვითარებიდან გამომდინარე, ბათუმში ძალიან აქტიურად მიმდინარეობს მაღალსართულიანი, ინფრასტრუქტურულად გამართული კორპუსების მშენებლობა ე.წ. ახალი ბათუმის სივრცეში.