გირავდება ბინა თბილისში

ბინების გირაობა, საკმაოდ პოპულარული გარიგების ტიპია იმ ადამიანებისთის, ვისაც აქვთ დანაზოგი, რომელიც არ არის საკმარისი ბინის საყიდლად. ასეთ დროს ძალიან გამართლებულია ბინის გირაობა, რადგან დამგირავებელს აღარ უწევს ყოველთვიური თანხის გადახდა საცხოვრებლის სანაცვლოდ. პარალელურად კი ბინის მეპატრონეს აქვს დრო, რომლის განმავლობაშიც შეუძლია ზუსტად იგივე თანხა დაუბრუნოს დამგირავებელს, რაც ბინაში გარკვეული ვადით ცხოვრების უფლების სანაცვლოდ გადასცა.  

ბინის გირაობის ფასი, მეტნაკლებად დამოკიდებულია უშუალოდ დასაგირავებელი ბინის ჯამურ ღირებულებაზე. ბინის გირაობა შესაძლებელია, ბინის რეალური ფასის დაახლოებით 20%-დან 50%-მდე თანხად. განსხვავდება ბინის გირაობის ტიპი, პერიოდი და პირობები. შედარებით იაფია ბინის ქირაობა იმ შემთხვევაში, როცა ხდება ბინის დაგირავება მესაკუთრის ცხოვრების უფლებით. ეს უფრო თანხის სესხებაა, რომლის დროსაც თანხის დაბრუნების უზრუნველყოფა ბინით ხდება.

ბინაში ცხოვრების საჭიროების შემთხვევაში ძირითადად მაძიებლები ეძებენ ბინას დამგირავებლის ცხოვრების უფლებით. თუმცა მეორე მხრივ, შესაძლოა ბინა გირავდებოდეს მესაკუთრის ცხოვრების უფლებით, რაც გულისხმობს დამგირავებლის მხრიდან ერთგვარ ინვესტიციას. ამ ტიპის შეთანხმებისას, ბინის მესაკუთრე რჩება ბინაში და დამგირავებელს, სარგებლის სახით უხდის გადაცემული თანხის განსაზღვრულ პროცენტს, ყოველთვიურად.