ბინები ბაკურიანში

ბაკურიანში უძრავი ქონებით ერთი მხრივ ინტერესდებიან ადგილობრივები, რადგან მათი ძირითადი შემოსავლის წყარო სწორედ ტურიზმია, ცდილობენ ინვესტიცია სწორედ უძრავ ქონებაში ჩადონ. პარალელურად ბაკურიანში უძრავ ქონებაში ინვესტიციის ჩადებით ინტერესდებიან არა მხოლოდ ადგილობრივი მოსახლეობა, არამედ ქართველი და უცხოელი ინვესტორები.  შესაბამისად ბაკურიანი ერთ-ერთი გამორჩეული ადგილია საქართველოში, სადაც უძრავ ქონებაზე მოთხოვნის მუდმივი ზრდა იკვეთება.

ბაკურიანში ბინის ძებნისას მთავარია, ზედმიწევნით ზუსტად ჩამოვაყალიბოთ ჩვენთვის საინტერესო უძრავი ქონების ძებნის კრიტერიუმები, კარგად უნდა განვსაზღვროთ რა არის ჩვენთვის ყველაზე მთავარი ფაქტორი, იქნება ეს ბინის სიდიდე და კეთილმოწყობა, თუ ბინის სიახლოვე სათხილამურო ტრასებთან. თუ ბავშვებით მივდივართ დასასვენებლად, ჩვენთვის ძებნის მთავარი კრიტერიუმი უსაფრთხო გარემოს მქონე ბინის პოვნა იქნება, რომელიც სავარაუდოდ ბაკურიანის პარკთან ახლოს უნდა მდებარეობდეს.

ბაკურიანში ბინის პოვნის შემდეგ, თუ ჩვენ ის საინვესტიციოდ გვჭირდება, აუცილებლად ზედმიწევნით დეტალურად უნდა გავიგოთ პირობები, კონკრეტულად როდის, რა მდგომარეობაში და რა პირობებში ბარდება ბინა. მიუხედავად იმისა, რომ ბაკურიანში წელიწადის ოთხივე სეზონზე საკმაოდ დიდი რაოდენობით ტურისტია, შეიმჩნევა, რომ ბინის ყიდვა ბაკურიანში , ზაფხულში უფრო ხელსაყრელია, რადგან ამ დროს მოთხოვნა შედარებით შემცირებულია, რაც იგივე მიწოდების პირობებში, საბაზრო ფასების შემცირებას იწვევს.